?Nun lóstrego de tempo ?o conto? que sua avoa Estrella lle contaba na infancia cobrou sentido completo: ?Ti chamaste Sabela en lembranza daquela outra Sabela Varela Castro; os apelidos coinciden; nacestes no mesmo sitio, o mesmo dia, do mesmo mes, e con cen anos xustos de diferencia?. Historia dunha saga de cinco xeneracións de mulleres dunha mesma familia que transcurre dende o 11 de febreiro de 1879, data de nacemento de Sabela Varela Castro até o 11 de febreiro de 1979, data de nacemento de Sabela Varela Castro. Partindo da primeira Sabela a novela recolle a peripecia vital dela mesma e de Ramona, Estrella e Rosa para chegar á última Sabela. Aproveitando o relato das súas vidas, reflictese parte da historia deste país: Nai solteira no interior da Galiza rural a fins do século XIX; a emigración a América; o retorno; a guerra civil e posguerra e o traslado da muller rural á un medio urbano en plena época desenrolista. Xeograficamente, a novela situase en distintas localizacións: o sur da provincia de Lugo, Buenos Aires e Vigo son as ubicacións principais nas que se asenta o relato que parte de feitos reais, si ben entresacados de distintas situacións e conxuntados nesta novela. "Dignidade, raiba e consciencia (de xénero, nacional e de clase) envolven esta emotiva, esclarecedora e reivindicativa novela".
Me Gusta Internet
El Arte de la Guerra
Personitas
Deadman Wonderland 02