Argumento de Goizuetan Bada Gizon Bat...
Goizuetan bada gizon bat Hunkigarriak, bertsoak. Eta zenbat aldiz ez ote ditugu kantatu hainbat afalondotan. Izanez ere, horren ederki paratu zizkigun Mikel Laboak, hautspetik atera eta. Egun zorioneko batean, artean hain gazte eta berde ez nintzela, Goizuetako elizako artxibora jo nuen. Ez dakit seguru zeren aztarren bila. Eta hango bikario zenak esan zidan: Trabukorena aztartu behar zenuke. Ni hasi nintzen zerozer, baina... Eta han atera zidan segituan, karpeta urdin bat, bere esku motx xalo haiekin idatzitako paper mordoxka batekin. Tartean, kanta honen aztarrenak izan zitezkenak: Urdallu, Elama, Gotzain, Berdabio eta, Artikutza inguruko baserrietan 1800-1850 aldera bizi izandako familien zerrendak, eta hola. Ongi gogoan dut bai, arrunt liluraturik nola utzi ninduen Don Bixenteren argiprintza ilun hark!... Eta handik aurrera, Trabukoren kanta aditu aldiro, lehen ez bezalako ikasmin ilun batek goibeldua uzten zidan bihotza, zinezko erroak non galduak edukiko ote zituen pentsatzen. Hala, Don Bixenteren behingo xixtako fin hura zela medio, Goizuetako kanta zahar honen sustrai bila, hasi banintzen hasi, jainko ttikiak bestek ez daki, zenbat buruhauste ibili izanen dudan geroztik, beste hogeiren bat urtez edo, hara eta hona, maitale liluratua bere guzizko maitearen atzetik bezalatsu...0
Cómo no Hacer Nada
Berserk 16
Cosecha Roja
North Wind